Таласта ар бири 2 миң сомдон ашык баага отургузулган ийне жалбырактуу дарактын түрүнө кирген 13 туя уурдалды. Бул тууралуу "Азаттыкка" шаардын вице-мэри Дамирбек Курманалиев билдирди.
Маалыматка ылайык, негизинен Чыңгыз Айтматов көчөсүндөгү көчөттөр уурдалган. Апрель айынын ортосунда Талас шаарын жашылдандыруу, көрктөндүрүү максатында баасы 2190 сомдук эки миң туя Польшадан алынып келген. (AlS)
