Линктер

ЧУКУЛ КАБАР!
4-Март, 2021 бейшемби, Бишкек убактысы 19:52

Кыргызстан Газа секторундагы кырдаалга кабатыр


Мухаммедкалый Абылгазиев Ислам кызматташтык уюмунун (ИКУ) саммитинде

Премьер-министр Мухаммедкалый Абылгазиев Түркияда өтүп жаткан Ислам кызматташтык уюмунун (ИКУ) саммитинде Газа секторундагы соңку кырдаалга тынчсыздануусун билдирди.

- Кыргызстан абалдын кескин курчуп жана Газа секторундагы протесттердин натыйжасында көп сандаган жөнөкөй жарандардын өлтүрүлгөнүнө жана жарадар болгонуна байланыштуу өтө тынчсызданып жатат.

Түркиянын Стамбул шаарында ИКУнун кезексиз жыйыны өтүп, анда Газа тилкесиндеги соңку абал талкууланды.

Ислам Кызматташтык Уюму – 57 ислам өлкөсүнүн башын бириктирген эл аралык уюм. Кыргызстан ага 1992-жылдын 1-декабрынан бери мүчө.

14-майда АКШ президенти Дональд Трамптын чечими менен Кошмо Штаттардын элчилигин Тел-Авивден Иерусалимге көчүрүүгө каршы чыккан палестиндерге чек арада Израил тараптан ок атылган.

Акыркы маалыматтарга караганда, чек арадагы кагылышта 60тан ашык палестиндик каза таап, 2800дөн көбү жарадар болду.

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG