Линктер

шейшемби, 23-октябрь, 2018 Бишкек убактысы 13:28

Европа киноакадемиясы Орусияны Сенцовду бошотууга чакырды


Олег Сенцов Орусиянын Ростов-на-Дону шаардык сотунда. 25-август, 2015-жыл.

Европа киноакадемиясы орус бийлигин "теракт уюштурууга аракеттенген" деген айып менен соттолгон украиналык режиссер Олег Сенцовду бошотууга чакырды.

Кайрылуу киноакадемиянын сайтында жарыяланды. Анда европалык актерлер, режиссер, продюсерлер Сенцовдун саламаттыгына тынчсыздануу билдиришкен. Аны токтоосуз жана эч кандай шартсыз кое берүүнү талап кылышкан. Кайрылууга Кшиштоф Занусси, Вим Виндерс, Стивен Долдри, Бертран Тавернье ж.б белгилүү режиссерлор кол коюшкан.

Европа киноакадемиясынын мүчөлөрү Сенцовду камактан чыгаруу талабы менен 2014-жылы да кайрылышкан.

Сенцов 14-майда Орусиянын абактарындагы украиналык саясий туткундардын баарын бошотуу талабы менен мөөнөтсүз ачкачылык кармай баштаган.

Ал Орусия аннексиялап алган Крымда 2014-жылы кармалган. 2015-жылдын августунда Орусиянын соту аны Крым жарым аралында "теракт даярдоого күнөлүү" деп таап, 20 жылга эркинен ажыраткан.

XS
SM
MD
LG