Линктер

ЧУКУЛ КАБАР!
27-Февраль, 2021 ишемби, Бишкек убактысы 22:30

Кытай АКШны "деңиздеги чек араны бузду" деп айыптады


АКШ аскер-деңиз флотунун эсминеци. Архивдик сүрөт.

Кытайдын Тышкы иштер министрлиги АКШнын кемелери Түштүк-Кытай деңизиндеги аймакка киргенин айыптады. Мурдараак "Reuters" агенттиги америкалык расмий адамдарга таянып, "Higgins" эсминеци менен "Antietam" крейсери Кытай өзүнүкү деп санаган талаштуу Парсел аралдарынан 19 чакырым ичкери кирип кеткенин жазган болчу.

Кытайдын расмий дооматы боюнча, америкалык кемелер чек арадан аймактын ичине 18 чакырымга кирген. Бээжин ушундан улам аймакка өзүнүн учактарын жана кемелерин жиберүүгө аргасыз болгонун, "өлкөнүн бүтүндүгүн жана эгемендигин коргош үчүн зарыл чара көрүүнү улантарын" бекемдеди.

АКШ америкалык кемелердин аймакка киришин Түштүк-Кытай деңизиндеги Кытай орнотуп келе жаткан чектөөлөргө каршы туруу аракети катары түшүндүрүүдө. Кытайдын аймактагы саясаты менен макул эместигин президент Дональд Трамп баш болгон америкалык бир катар жетекчилер билдиришкен.

Парсел аралдары - Түндүк-Кытай деңизиндеги талаштуу аймак. Аны Кытайдын менчиктешине Вьетнам, Бруней, Малайзия, Филиппиндер жана Тайвань каршы.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG