Линктер

ЧУКУЛ КАБАР!
12-Май, 2021 шаршемби, Бишкек убактысы 09:07

Жумабеков: Кытайга жерди убактылуу берүү - дипломатиялык келишим


Дастан Жумабеков.

Кыргызстан менен Кытайдын жер алмашуусу дипломатиялык чечим. Мындай пикирин Жогорку Кеңештин төрагасы Дастанбек Жумабеков "Азаттык" радиосуна билдирип, азырынча парламентке бул келишимдин документи келе электигин айтты:

- Биздин тийиштүү комитеттерден каралат. Бул дипломатиялык келишим болот. Бизге келип түшкөндөн кийин комитеттер дипломатиялык, саясий жагын карап, өзүнүн баасын берет.

Бишкек шаардык кеңеши Кытай элчилиги турган үч гектардан ашуун жер тилкесин ижарага берүүгө май айынын соңунда макул болгон.

Кытай буга жооп кылып Кыргызстандын дипломатиялык өкүлчүлүгү үчүн Бээжиндин борборунан 25 сотых жер бөлүп, элчиликтин имаратын, анда иштегендерге турак жай салууга жардам бермекчи.

Эки тарап тең ал жерди ижара акысын төлөбөй 49 жыл пайдалана алат. Мындай макулдашуу коомчулукта кызуу талкууга түшүп, нааразы пикирлер көп айтылууда. (SE)

Пикирлерди көрүңүз (34)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG