Линктер

шейшемби, 19-июнь, 2018 Бишкек убактысы 01:07

АКШнын президенти Ак үйдө ооз ачырды


Президент Дональд Трамп Ак үйдөгү ооз ачыруу жөрөлгөсүндө сүйлөп жаткан учур. Вашингтон, 6-июнь, 2018-жыл.

Доналд Трамп Ак үйдө АКШдагы мусулман коомчулугунун өкүлдөрү үчүн уюштурулган ооз ачырууга өкмөт мүчөлөрү жана Вашингтондогу дипломатиялык жамаат, анын ичинде элчилер да чакыртылган.

- Cилердин ар бириңердин жана дүйнөдөгү бардык мусулмандардын орозосу кабыл болсун! Биз бүгүн кечте дүйнөнүн эң улуу диндеринин биринин ыйык салтын урматтап жатабыз, - деди Трамп чогулгандарга кайрылып.

Трамп бийликке келгенден бери биринчи ирет ооз ачырды. Ал көп жылдан бери АКШнын президенттери өткөрүп келген жөрөлгөдөн былтыр баш тартып койгон.

6-июнь күнү кечинде Ак үйдүн сыртында бир катар укук коргоочу топтор “Трамтын ооз ачыруусуна жол жок!” деген акцияга да чыгышты.

Алар Трамптын риторикасы айрым америкалык мусулмандарды басмырлоого жана дискриминациянын күчөшүнө салым кошконун белгилешти. (UE)

Сиздин пикир

пикирлерди көрсөт

XS
SM
MD
LG