Линктер

ЧУКУЛ КАБАР!
25-Февраль, 2021 бейшемби, Бишкек убактысы 12:00

Былтыр мамлекет коррупциядан 670 млн. сом зыян тарткан


Иллюстрациялык сүрөт.

2017-жылы “Коррупция” беренеси боюнча 1037 кылмыш иши козголду. Андан мамлекеттик бюджет 670 млн. сом зыян тарткан. Анын 18,4 млн. мамлекетке кайтарылган.

Бул тууралуу бүгүн премьер-министр Мухаммедкалый Абылгазиев Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана регламент боюнча комитетинде өкмөттүн былтыркы иши тууралуу отчет берип жатып билдирди. Анын айтымында, козголгон кылмыш иштеринин 82си сотко өттү.

Абылгазиевдин маалыматына караганда, 2017-жылы аныкталган мыйзам бузуу фактылары боюнча бюджетке 8,4 млрд. сом өндүрүлгөн. Бул 2016-жылга салыштырамалуу 3 эсе көп.

2017-жылдары өкмөттү азыркы президент Сооронбай Жээнбеков жана азыр коррупцияга айыпталып кармалган Сапар Исаков башкарган.

Абылгазиев баштаган өкмөттүн курамы быйыл 20-апрелде ишке киришкен. (КE/ЕВМ)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG