Бишкектеги айт намаз

Бишкекте айт намазын окуу үчүн Эски аянтка 30 миңден ашуун адам чогулду. Күбөлөрдүн айтымында, аянтка эл батпай, жол четтеринде да намаз окулду. Муфтий Максатбек ажы Токтомушев башында турган майрамдык намаз саат 7-30да башталды. Ага чейин дин аалымдарынын баяндары жана куттуктоолору айтылды. Намазга парламент спикери, Бишкек мэри баштаган бийлик өкүлдөрү катышты. Президенттин куттуктоо сөзүн Жогорку Кеңештин төрагасы Дастанбек Жумабеков окуду.