“Азаттыктын” “Ыңгайсыз суроолор” программасы Тарых музейин жаңылоого жумшалды делген 1,5 млрд. сомдун дайынын иликтеди. Программа жүрүшүндө музейдин ичин оңдогон “СМУ-3” ишканасы да, эмерек-жабдыктарды алып келген германиялык REIER компаниясы да тендерсиз тандалганы белгилүү болду. Немис ишканасы 60 жыгач мамынын ар бирин 1137, отургучту 1200 жана жыгач атты 14 миң евродон алып келген.