Линктер

ЧУКУЛ КАБАР!
13-Май, 2021 бейшемби, Бишкек убактысы 18:20

Абылгазиев: “Коопсуз шаар” долбоору Кыргызстанга керек


Өкмөттөгү жолугушуу. 16.06.2018

“Коопсуз шаар” долбоору Кыргызстанга керек. Бул тууралуу бүгүн премьер-министр Мухаммедкалый Абылгазиев чет өлкөлүк компаниялардын өкүлдөрү менен жолугушууда айтты.

Өкмөттүн басма сөз кызматы кабарлагандай, жолугушууга «Toyota Tsusho Corporation», «NEC Corporation» фирмаларынын өкүлдөрү катышты.

Премьер-министр Кыргызстан чет мамлекеттерден заманбап IT-технологияларды тартууга кызыкдар экенин айтты.

- «Коопсуз шаар» долбоору биз үчүн маанилүү. Муну эске алуу менен биз бул сыяктуу долбоорлорду ишке ашырууда тажрыйбасы бар эл аралык компаниялардын колдоосуна ишенебиз. Аталган долбоор биз жана өлкө үчүн зарыл, - деди ал.

«Toyota Tsusho Corporation» жана «NEC Corporation» өкүлдөрү Мьянмада, Непалда, Бангладеште жана Африканын бир катар өлкөлөрүндө IT- технологияларды («Коопсуз шаар», «Электрондук өкмөт») ишке ашыруу тажрыйбасы тууралуу айтып беришти.

Мындан тышкары алар «Коопсуз шаар» жана «Digital CASA» долбоорлорун ишке ашырууга активдүү катышуу мүмкүнчүлүгүн карап чыгууга даяр экенин маалымдашты.

Өкмөт башчы Мухаммедкалый Абылгазиев «Toyota Tsusho Corporation» өкүлдөрүнө агроөнөр жай жана туристтик инфраструктураны жакшыртуу тармагындагы долбоорлорго катышуу мүмкүндүгүн да кароону сунуштады.

"Коопсуз шаар" долбоорун кыргыз өкмөтү бир нече жылдан бери пландап, бирок толук ишке ашыра албай келе жатат. (RK)

Пикирлерди көрүңүз (16)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG