Линктер

шаршемби, 19-сентябрь, 2018 Бишкек убактысы 07:47

Бишкекте кыргыз-орус аскер кызматташтыгы талкууланат


Иллюстрациялык сүрөт.

Бүгүн, 19-июнда Бишкек шаарында Кыргызстандын Жогорку Кеңеши менен Орусия Федерациясынын Федералдык Жыйынынын ортосундагы кызматташтык боюнча парламент аралык комиссиянын сегизинчи жыйыны өтөт. Бул тууралуу Жогорку Кеңештин басма сөз кызматы кабарлады.

Иш-чарага Жогорку Кеңештин, Орусиянын Федералдык Жыйынынын Мамлекеттик Думасынын жана Федералдык Кеңешинин депутаттары, андан тышкары, эки өлкөнүн өкмөт өкүлдөрү катышат.

Иш-чарада бир катар актуалдуу маселелер, анын ичинде аскердик жана аскердик-техникалык кызматташтыктын келечеги талкууланат. Ошондой эле Орус-кыргыз өнүктүрүү фондунун ишмердүүлүгү жөнүндө кеп болот.

Жыйындын алкагында Орусиянын парламенттик делегациясынын башчысы Виктор Заварзин менен Жогорку Кеңештин төрагасынын орун басары Мирлан Бакировдун жолугушуусу белгиленген. (ErN)

XS
SM
MD
LG