Линктер

шаршемби, 26-сентябрь, 2018 Бишкек убактысы 00:53

АКШ мыйзамсыз кирген мигранттардын 500дөн ашык баласын ата-энесине кайтарды


АКШда чек арадан мыйзамсыз өткөнү үчүн ата-энесинен бөлүнгөн 500дөн ашык жаш бала ата-энесине кайтарылды.

Балдар президент Трамптын администрациясы Кошмо Штаттарга мыйзамсыз келген үй-бүлөлөрдүн балдарын ата-энесинен бөлүп, өзүнчө кармап жаткан. Бул чара кескин сынга алынган соң Дональд Трамп эрежени жокко чыгарууга аргасыз болгон.

Өлкөнүн Улуттук коопсуздук министрлиги кабарлагандай, учурда 522 бала ата-энесине берилди. Дагы он алты бала жакынкы күндөрү үй-бүлөлөрүнө кошулмакчы.

Буга чейин президент Дональд Трамп АКШны мигранттардын лагерине айлантууга жол бербесин билдирген. Кошмо Штаттардын бийлигинин мындай саясатын БУУ баштаган эл аралык уюмдар сынга алып, балдардын укугун коргоого чакырган.

Сиздин пикир

пикирлерди көрсөт

XS
SM
MD
LG