Ошто балдардын жүрөгүн бекер текшертүү акциясы башталды. Саламаттык сактоо министрлигинин маалыматына караганда, 28-29-июнда акция Мамат Алиев атындагы “Ош-Кардио” медициналык борборунда өтүп жатат.
Иш-чаранын алкагында республиканын түштүк аймагында иштеген педиатр адистердин жана кардиологдордун илимий-практикалык конференциясы да болот.
Расмий статистика боюнча, Кыргызстанда кемтик менен төрөлгөн балдардын саны жыл сайын көбөйүүдө. 17 жашка чейинки балдар арасында майыптуулуктун 26% дал ушул себеп түзөт. (RK)
