Линктер

ЧУКУЛ КАБАР!
2-Март, 2021 шейшемби, Бишкек убактысы 11:35

“Манас” эпосунун арабча кол жазмасы басууга даярдалууда


Президент Сооронбай Жээнбеков, Түрк академиясынын президенти Дархан Кадыралы, профессор Кадыралы Коңкобаев.

Мамлекет башчы Сооронбай Жээнбеков “Манас” эпосунун араб арибинде жазылган ар кайсы варианттарын камтыган кол жазма китепти басып чыгарууга көмөктөшөт.

Бул тууралуу ал бүгүн эл аралык Түрк академиясынын президенти Дархан Кадыралы жана аталган уюмдун өкүлү, профессор Кадыралы Коңкобаев менен жолугушууда айтты.

Коңкобаевдин айтымында, көлөмү 1286 бет болгон бул кол жазма 1896-1983-жылдары Чүй өрөөнүндө жашап өткөн Медер Мергенбаев деген аксакалга таандык. Анда эпостун Тыныбек манасчыга, Саякбай Каралаевге жана Тоголок Молдого таандык деген үзүндүлөрү бар.

«Кол жазманын калган беттеринде Сагынбай Орозбаковдун өз оозунан Медер Мергенбаев аксакал абдан мыкты тил менен жазып алган варианты сакталып калган. Бул кол жазма Сагынбай Орозбаковдун вариантындагы китеп менен салыштырылып, илимий комментарийлер менен басмага даярдалып жатат», - деди профессор.

Дархан Кадыралы менен Кадыралы Коңкобаев президент Сооронбай Жээнбековго Алтайдан 3000 метр бийиктикте табылган жана реставрацияланган кыл кыякты белекке беришти.

Мамлекет башчысы кол жазманы басып чыгарууга жардам көрсөтөрүн жана кыл кыякты Бишкектеги Улуттук тарых музейине өткөрүп берээрин белгиледи.

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG