Ысык-Көл облусунун Тоң айылында кезектеги этнофестивалга даярдык жүрүп жатат.
Маданият, маалымат жана туризм министрлиги кабарлагандай, этномаданий туризмди жана көчмөндөр цивилизациясынын салттарын улантуу максатын көздөгөн бул иш-чара 15-июлда өтөт.
«Тескей Жээк» фестивалына келгендерге түрдүү улуттук ат оюндары тартууланып, «Салбуурун» көрсөтүлөт, кол өнөрчүлүк боюнча ар кандай мастер-класстар уюштурулат.
«Кут» үй-бүлөлүк ансамбли концерт тартуулап, чогулгандар баары биригип кара жорго бийлешет. (RK)