Кыргызстанда акыркы бир апта ичинде мас абалында автоунаа айдап бараткан 151 айдоочу кармалды. Бул тууралуу ИИМдин Жол коопсуздугун камсыз кылуу башкармалыгы кабарлады.
Акыркы жумада жалпысынан 18 миңдей жол эрежесин бузуу катталган, анын ичинен 3 миңден ашыгы - жол белгилеринин талаптарын аткарган эмес. Эки жарым миңи ылдамдыкты ашырып жиберген, 100гө жакыны терезелерин караңгылатып алган.
Натыйжада 500дөй автоунаа атайын токтотуучу жайларга киргизилген. (ErN)
