Эмгек жана социалдык өнүгүү министрлиги ачкан, балдардын укуктарын коргоого багытталган 111 номуруна бир жылда орто эсеп менен 12 миңдей бала чалат. Бул тууралуу “Азаттыкка” Эмгек жана социалдык өнүгүү министрлигинин Үй-бүлөнү жана балдарды коргоо башкармалыгынын жетектөөчү адиси Бакыт Тодогелдиев билдирди.
Бардык телефон чалгандар жазылып, айрымдарынын жашаган дареги такталып, тийиштүү көзөмөл органдарына кабар берилет. Балдарды зомбулуктан коргоого багытталган ишеним телефону 2015-жылы ачылган. (BCh)
