Сирияда өкмөттүк күчтөргө каршы согушка катышып, жанкечтиликке үйрөтүүчү атайын даярдыктан өтүп келген кыргыз жараны кармалганын Улуттук коопсуздук боюнча мамлекеттик комитет (УКМК) 25-июлда кабарлады.
Мекеменин маалыматына караганда, 21 жаштагы адам эл аралык террордук топтун башчыларынын буйругу менен Кыргызстанга кайтып келип, өлкө аймагында террордук чабуулдарга камынып жаткан.
Ага карата Кылмыш-жаза кодексинин эки беренесинин негизинде иш козголуп, өзү атайын кызматтын тергөө абагына камакка алынды.
Сирияда согушуп, Кыргызстанга кайтып келгендердин дагы бири кармалганы 24-июлда да кабарланган.
