Линктер

ЧУКУЛ КАБАР!
8-Март, 2021 дүйшөмбү, Бишкек убактысы 22:28

ИМ тобунун Сириядагы кол салуусунун курмандыктарынын саны 100дөн ашты


Свейда шаарында жанкечти өзүн жардыргандан кийинки көрүнүш. 25-июль, 2018-жыл.

Бул тууралуу "Адам укуктары боюнча Сирия обсерваториясы" аттуу уюм билдирүүдө. Анын маалыматына караганда, “Ислам мамлекети” (ИМ) тобунун Сириянын түштүгүндөгү соңку чабуулунан өкмөттүн коопсуздук күчтөрүнүн өкүлдөрүн кошкондо 156 кишинин өмүрү кыйылды.

ИМ тобу өз билдирүүсүндө жүздөн ашуун кишини мерт кылганын жарыялады. Ал эми Сириянын бийлигине байланышы бар радионун жергиликтүү дарыгерлерге шилтеме берип кабарлаганына караганда, чабуулдар менен жардыруулардан 96 киши каза таап, 176сы жарадар болгон.

Ал эми мамлекеттик SANA агенттигинин жазганына караганда, Свейда шаарында жанкечтилердин бири өзүн эл котологон базарда жардырган. Мындан тышкары, кеминде эки жанкечтини коопсуздук күчтөрү жардыруучу түзмөгүн иштеткенге чейин атып өлтүрүүгө жетишкен.

Сириянын мамлекеттик телеканалы “Ислам мамлекети” тобунун согушкерлери ошол эле Cвейда шаарынын түндүк-чыгышынан үч кыштакка чабуул коюшканын кабарлады.

Президент Башар Асадга караштуу күчтөрү соңку күндөрү өлкөнүн түштүгүнөн буга чейин козголоңчулар көзөмөлдөп келген айрым аймактарды ээлешкен.

Учурда ал чөлкөмдөрдү ИМ тобунун согушкерлеринен тазалоо аракети жүрүп жатат. (UE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG