70 жаштагы Умарали Жаркынбаев Ош облусунун Өзгөн районуна караштуу Шоро-Башат айылында жашайт. Карыя үлүшкө тийген жерине картошка, помидор, жүгөру айдап, багбанчылык менен алектенет. Буга чейин багбан күнөскана салып, кышкысын да жашылча-жемиштерди өстүрүп, айылдаштарына, ошондой эле Өзгөн районуна жайылтууну кыялданып келген. Акыры ал кыялы ишке ашып, кубанычы койнуна батпай турган чагы.