Слободан Милошевичтин адвокаты Драгослав Огнянович 57 жашында киши колдуу болду. Белгилүү адвокатты 28-июлда белгисиз бирөөлөр Белграддагы үйүнүн жанынан атып кетишкен. Окуя болгон жерде маркумдун 26 жаштагы баласы да жарадар болгон. Полиция кылмышкерлерди издеп жатат.
Огнянович 2000-жылдары Гаага трибуналында аскердик кылмыш үчүн айыпталган Слободан Милошевичтин таламын талашкан.
Милошевич 2006-жылы сот өкүмү чыкканча эле көз жумган. (BCh)
