Экономикалык кылмыштарга каршы күрөш боюнча мамлекеттик кызмат (Финансы полициясы) 3 млн.700 миң сомдон көп суммадагы салыктарды төлөөдөн качуу фактысы аныкталганын кабарлады. Маалыматка караганда, К.С. атуу жеке ишкер 2017-жылдан тартып ЕАЭБ өлкөлөрүнөн товарларды ташып кирүү боюнча ишкерлик кылып келгени аныкталган, бирок салык төлөбөй келген.
Бул факты боюнча Кылмыш-жаза кодексинин 212-беренесинде (“Жеке ишкердин салыктарды жана милдеттүү камсыздандыруу төгүмдөрүн төлөөдөн качышы”) каралган кылмыштардын белгилери боюнча кылмыш иши козголгон. Тергөө иштери жүрүп жатат. (КЕ)