Бүгүн, 3-августта премьер-министр Мухаммедкалый Абылгазиев баштаган өкмөт мүчөлөрү жаңы окуу жылына даярдыкты талкуулайт. Бул тууралуу өкмөттүн аппараты кабарлады.
Анда жалпы билим берүүчү мекемелердин абалы, маселелери, Билим берүү жана илим министрлигинин 2018-2019-жылга иш пландары тууралуу кенен маалымат берилет.
Жыйында кыргыз өкмөтүнүн калктын ден соолугун коргоо жана саламаттыкты сактоо системасын өнүктүрүү боюнча 2019-2020-жылдарга пландалган программасы да сөз болот.
Кыргызстанда окуу жылы 1-сентябрда ачылат. Өлкөдө жалпы 2 миң 240 мектеп бар. Билим берүү министрлигинин сайтында жазылгандай, аларда жалпы 1 млн. 158 миң 482 бала окуйт. (ErN)