Жалал-Абад облустук сотунун төрагасы Шаршенбек Камбаров 60 жашында узакка созулган оорудан каза тапты. Бул тууралуу Жогорку соттун басма сөз кызматы билдирди.
Шаршенбек Камбаров 1958-жылы 17-июнда Жалал-Абад облусунун Базар-Коргон айылында төрөлгөн. Ал 1982-1993-жылдарда Жалал-Абад шаарынын элдик сотунда сот аткаруучу болуп иштеген. 1993-жылы Жалал-Абад облусунун юстиция башкармалыгында сот тармагынын ишмердүүлүгүн камсыздоо бөлүмүн жетектеген.
Андан кийин Ала-Бука райондук сотунун төрагасы, Жалал-Абад облусттук сот департаментинин башчысы кызматтарын аркалаган. 1999-жылдан тартып Баткен облусунун Кадамжай райондук, Талас облустук, Жалал-Абаддын Ноокен райондук сотунда судья болуп эмгектенген. 2015-жылдан тартып өмүрүнүн акырына чейин Жалал-Абад облустук сотунун төрагасы кызматын аркалап келген. Маркум эмгек жолунда бир нече сыйлыктарды алган.
