Ош шаарынын мэри Таалайбек Сарыбашев мекеме-ишканалардын жетекчилерин жардамга муктаж балдарга колдоо көрсөтүүгө чакырды. Мындай сунушун ал 8-августта жетекчилер менен өткөргөн коллегиялык жыйында айтты.
Таалайбек Сарыбашев аткаминерлерди жаңы окуу жылына карата аларды кийим-кече, окуу куралдары менен камсыз кылыш үчүн кайрымдуулук кылууну сунуш кылды.
Ош шаарында 2070 майып, 130 жакыр үй-бүлөлөрдүн балдары катталган. Өкмөттүк эмес уюмдардын маалыматы боюнча алардын басымдуу бөлүгү мектепке барышпайт. (MdN)
