Британиянын баш калаасы Лондондогу Вестминстер сарайынын тосмосун сүзүп токтогон автоунаанын айдоочусу кармалды. Бул тууралуу жергиликтүү полиция «Твиттердеги» баракчасы аркылуу кабарлады.
Аты-жөнү азырынча аталбаган айдоочу эмне себептен мындай кылганы белгисиз.
Полиция жабыркагандар бар экенин билдирүүдө. Алардын абалы жана саны тууралуу да так маалымат чыга элек.
"Daily Mail" басылмасы күбөлөргө таянып, окуя жергиликтүү убакыт боюнча эртең мененки жети жарымдарда болгонун жазды.
Полиция "мунун террорчулукка байланышы бар-жогун айтуу эрте" деп жатат.
