Линктер

ЧУКУЛ КАБАР!
3-Март, 2021 шаршемби, Бишкек убактысы 09:38

"Кыргыз темир жолу" ишканасынын кызматкерлери президентке кайрылышты


Иллюстрациялык сүрөт.

"Кыргыз темир жолу" мамлекеттик ишканасынын айрым поезд коштоочулары президент Сооронбай Жээнбековго кайрылуу жиберишти. Алардын бири Рахат Акматова турак жайдын жоктугун, айлык акынын негизсиз кармалып жатканын айтып даттанды.

​- Бизге курулуп жаткан турак жай маселесин ""Кыргыз темир жолундагы" каражаттын жоктугуна байланыштуу" деп токтотуп коюшкан. Өздөрүнө болсо заңгыраган мейманканаларды салып, ошол жерде жашап жатышат. Жетекчилер 2014-жылы алты тепловоз сатып алышкан. Анын акысын төлөш үчүн биздин, жумушчулардын айлыгынан кармап калышкан. Ошондой кылганы мыйзам ченемдүүбү же жокпу?

Мекеменин айрым кызматкерлери бүгүн, 15-августта басма сөз жыйынын өткөрүшөт.

"Азаттык" "Кыргыз темир жолу ишканасынын" жетекчиси Алмазбек Ногойбаевге кайрылды. Ал жүрөгүнөн операция болуп дарыланып жатканын айтып, ишке чыкканда бардык суроолорго жооп кайтарууга убада берди.

Премьер-министр Мухаммедкалый Абылгазиев "Кыргыз темир жолу" мамлекеттик ишканасы тууралуу 13-августта Кыргызстанды туруктуу өнүктүрүү боюнча улуттук кеңештин жыйынында “Кыргыз темир жолунун” башкаруу системасына жаңы стандарттар киргизилип, иштөө принциптери толугу менен кайра каралып чыгарын белгилеген.

Кийинки убакта бул ишканадагы коррупция, жетекчиликтин мыйзамсыз иш-аракеттери тууралуу доомат күчөдү. Жогорку Кеңеште "Кыргыз темир жолунун" азыркы жетекчиси Алмазбек Ногойбаевди кызматтан алуу жөнүндө талап бир канча жолу айтылды. (КЕ/ЕВМ)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG