Кыргызстан социал-демократиялык партиясынын (КСДП) Чүй облусунун Панфилов районундагы айрым мүчөлөрү партия лидери Алмазбек Атамбаевге каршы кезексиз жыйын өткөрдү.
Бул тууралуу Социал-демократиялык жыйындын уюштуруучусу Сагынбек Абдрахманов кабарлады. Анын айтымында, жыйынга чогулган жүздөн ашык партия мүчөсү Алмазбек Атамбаевди төрагалыктан кетирүүнү жана партиянын саясий кеңешин алмаштырууну талап кылган резолюция кабыл алышты.
Буга чейин мындай жыйын Москва районунда өткөн.
Буга чейин КСДПнын борбордук штабы жыйынга катышкандар жана Абдрахманов партиянын мүчөсү эмес экенин билдирген. Партия тараткан билдирүүдө Сагынбек Абдрахманов үч айдан бери өзүнүн айланасына таарынган партиялаштарын чогултуу аракеттерин көрүп жатканы жазылган.(BkA)
