Пакистанда спорттун крикет түрүнүн мурдагы жылдызы Имран Хан өлкөнүн премьер-министри катары 18-августта ант берди.
65 жаштагы Имран Хандын партиялаштары парламенттеги көпчүлүк орунга ээ. Оппозиция лидери катары таанылган Имран Хандын “Техрик-и-Инсаф” партиясы 26-июлдагы шайлоодо жеңген.
Имран Хан Аткинсон коллежинде, андан кийин Улуу Британиядагы Вустер падышачылык гимназиясында окуган. 1972-жылы Оксфорддогу Кэбл-коллежде философия, саясат жана экономика тармагында билим алган.
16 жашынан крикет менен шугулданып, 1976-жылы улуттук курама командага кошулган. 39 жашка чейин кураманын лидери болгон.