Линктер

ЧУКУЛ КАБАР!
3-Март, 2021 шаршемби, Бишкек убактысы 11:46

Кабулда бир нече жардыруу болду


Кабулдун ракета түшкөн району. 21-август, 2018-жыл.

21-августта ооган баш калаасынын чет элдик өкүлчүлүктөр жайгашкан районунда бир нече жолу жардыруунун үнү угулду. Жабыркангандар тууралуу дароо маалымат айтылган жок.

Шаардын сыртынан ракеталар атылып, президенттик сарайдын, элчиликтер турган комплекстин жана өкмөттүк имараттардын жанынан жардыруулардын үнү угулганын “Reuters” агенттигине атын жашырган коопсуздук кызматынын өкүлү билдирди.

Президент Ашраф Гани Курман айт майрамында элге сүйлөп жаткан учурда ракетанын жарылганы угулду. Гани сөзүн бөлүп, “эгер ракета менен оогандыктарды тизелетебиз деп ойлошсо, алар жаңылышат” деп айтты. “Зордук-зомбулук көрсөтүүнү уланткан топтор ракета менен Ооганстандын өнүгүшүн токтот албайт” деп сөзүн улады ооган президенти.

Полициянын билдиргенине караганда, биринчи ракета президенттин сарайына чукул, экинчиси НАТОнун өкүлчүлүгү жана АКШ элчилиги турган жерге түшкөн. Эч ким жабыркаган жок.

Расмий органдар Кабулга 12 ракета түшкөнүн билдирди.

Ооган лидери эки күн мурун эле “Талибан” кыймылына Курман айтка карата “шарттуу түрдө ок атышууну токтотууну” сунуш кылган. Талибдер макул болсо 20-августта башталган ок атышпоо режими үч айга созулмак.

"Талибан” кыймылынын жогорку даражалуу эки командиринин айтканына караганда, согушкерлер үч айлык ок атышпоо тууралуу сунушту четке какты жана өкмөткө, анын чет элдик өнөктөшөрүнө каршы чабуулду уланта берет.

20-августта өлкөнүн түндүгүндөгү Кундуз провинциясында автобуста бараткан 150дөй кишини талибдер барымтага алган.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG