Өлкөдө автоунаа, турак жай, жер салыктарын төлөөчүлөр үчүн салык кызматтары саат онго чейин иштеп жатышат. Салык органдарындагы кезметчилер салык төлөө мөөнөтү аяктаганча эртең мененки саат тогуздан кечки онго чейин дем алыш күндөрү да иштешет. Бул тууралуу мекеменин басма сөз кызматы маалымдады.
Ошондой эле салыктарды айрым банктар, төлөм терминалдары, мобилдик жана интернет-банкинг аркылуу төлөөго болот.
Автоунаалардын салыгы 1-сентябрга, ал эми турак жай, жер салыгы 2-сентябрга чейин төлөнүшү керек. Өз убагында салык төлөбөгөн жарандарга 2000 сом өлчөмүндө айып салынат. (TSh)
