30-августта Бишкектеги Токтогул Сатылганов атындагы Кыргыз улуттук филармониясында өрт чыкты. Аны өчүрүүгө беш бөлүм тартылганын Өзгөчө кырдаалдар министрлигинин басма сөз кызматы билдирди. Филармониянын кызматкерлери "Азаттыкка" өрт саат 12лер чамасында, имараттын бешинчи кабатындагы "Камбаркан" фольклордук оркестринин классында чыкканын билдиришти. Алардын айтымында, имараттагылар сыртка чыгарылган.