Көкбөрү боюнча президенттин кубогунда 3-орунду “Сары-Өзөн Рассвет” командасы алды. Бүгүн, 30-августта 3-орун үчүн болгон оюнда Чүйдүн улакчылары “Бакай-Ата Шыралжын” командасын 4:0 эсебинде жеңди.
Ушул учурда Бишкектеги "Ак-Кула" ат майданында финалдык беттеш өтүп жатат. 1-орун үчүн Ысык-Көлдүн "Толкун" жана Таластын "Бакубат Талас" командалары беттешүүдө. 2-таймдан кийин азырынча 1:0 эсебинде таластык көкбөрүчүлөр алдыда келе жатат.
Көкбөрү боюнча президенттин кубогу 24-августта башталган. Ага 12 команда катышты. (SDz).
