Линктер

ЧУКУЛ КАБАР!
25-Февраль, 2021 бейшемби, Бишкек убактысы 12:10

Орусия Жер Ортолук деңизде ири машыгуу өткөрөт


Сирия менен Орусиянын президенттери Асад менен Путин жолуккан учур. Сочи, 17-май, 2018-жыл.

Москва бул машыгууну Сирия маселеси боюнча чыңалуу күчөгөн учурда өткөргөнү турат.

Коргоо министрлигинин бүгүнкү жарыясына караганда, 1-8-сентябрда боло турган машыгууларга 25 аскердик кеме, 30тай аскердик учак тартылат.

Москва деңиздеги машыгуу тууралуу Сириянын армиясы Идлиб провинциясында “антитеррордук” деп мүнөздөлгөн ири операцияга даярданып жаткан учурда билдирди.

АКШ, Британия жана Франция эки күн мурда БУУнун Коопсуздук кеңешинин жыйынында Сириянын бийлигин Идлибге чабуул коюу учурунда химиялык курал колдонбоого чакырып, эгер андай курал колдонулса ага Батыш чара көрөрүн эскертишкен.

Мындай эскертүүлөргө БУУнун баш катчысы Антонио Гутерреш да кошулуп, “химиялык куралдын колдонулушу таптакыр жол берүүгө болбой турган” нерсе экенин белгиледи.

Орусия болсо өз кезегинде Батыш өлкөлөрүн Идлиб операциясына кийлигишпөөгө үндөп, Сирияга сокку уруу максатында Жакынкы Чыгышта өз күчтөрүн чыңдап жатканы үчүн Кошмо Штаттарды айыптады.

Бирок мындай дооматтарды Пентагон четке какты. Улуттар Уюмунун эсебинде, Идлибге коюла турган чабуулдан 700 миңге жакын сириялык үй-жайынан качууга аргасыз болуу коркунучу бар. (UE)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG