Линктер

ЧУКУЛ КАБАР!
28-Февраль, 2021 жекшемби, Бишкек убактысы 13:25

Масалиев "Таблиги жамаатты" экстремисттик уюмдардын катарына кошууну сунуштады


Исхак Масалиев.

Жогорку Кеңеште 12-сентябрда Шанхай кызматташтык уюмунун (ШКУ) экстремизмге каршы аракеттенүү боюнча конвенциясын ратификациялоо жөнүндө мыйзам долбоору каралып, экинчи окууда добуш берүүгө жиберилди.

Талкуу учурунда "Өнүгүү-Прогресс" фракциясынын депутаты Исхак Масалиев жыйынга катышкан укук коргоо органдарынын өкүлдөрүнө кайрылып, "Таблиги жамаат" уюмун "экстремисттик" деп табуу керек деген пикирин айтты.

- Бул конвенцияга кошулган мамлекеттердин бир тобунда "Таблиги жамаат" мыйзамдан чыгарылган, туурабы? Биз анда чыгарышыбыз керек да, "мыйзамсыз" деп табышыбыз керек да. Конвенцияда бир принципте кетип баратабыз деп жазылып турбайбы. Аны окудуңарбы? Конвенцияга кошулгандан кийин биз өзүбүзгө бир топ милдеттерди алып атабыз.

УКМК төрагасынын орун басары Асылбек Кожобеков парламент сессиясы учурунда "Таблиги жамааттан" азыр Кыргызстанга коркунуч жок деп билдирди.

Шанхай кызматташтык уюмунун экстремизмге каршы аракеттенүү боюнча конвенциясы 2017-жылдын 9-июнунда Астана шаарында кабыл алынган. ​Кыргызстан террорчулук жана экстремизмге каршы күрөшүү боюнча эл аралык үч конвенцияга мүчө.

"Таблиги жамаат" уюмуна Казакстан, Өзбекстан жана Орусияда тыюу салынган. Бирок Кыргызстанда ага тыюу салынган эмес.

Кыргызстанда 2017-жылы экстремисттик уюмдардын тизмесине киргизилген “Йакын инкар” уюму "Таблиги жамааттан" бөлүнүп чыкканы белгилүү.​ (NT)

Пикирлерди көрүңүз (59)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG