Линктер

ЧУКУЛ КАБАР!
28-Февраль, 2021 жекшемби, Бишкек убактысы 23:06

Таластан Таразга жүк ташыган соодагерлер митингге чыгышты


Нааразылыкка чыккан соодагерлердин айрымдары.

Таластан Казакстандын Тараз шаарына жер-жемиш сатып соода кылган 30дай адам 17-сентябрда облустук акимчиликтин алдына нааразылык акциясына чыгышты. Алар казак тарап товарды киргизбей жатканына даттанышууда.

Митингдин катышуучусу, коңшу өлкөгө сегиз жылдан бери жер-жемиш саткан Айжамал Жамалкулова "Азаттыкка" буларды билдирди:

- Бизди кечээтен баштап казактар Жамбылга киргизбей жатат. Айрымдарды камап коюшту. Өкмөттүн өкүлчүлүгүнө келип да оң жооп уга алган жокпуз.

Өкмөттүн облустагы өкүлүнүн орунбасары Канимет Осмонбеков Жамбыл облусунун акиминин орунбасары менен телефондо сүйлөшкөнүн, маселени чечүү аракети көрүлүп жатканын айтты.

Соодагерлер эмне үчүн Казакстанга киргизилбей жатканы азырынча белгисиз. Жергиликтүү бийлик буга документтеги мүчүлүштүктөр себеп болушу ыктымалдыгын белгиледи. Айрым ишкерлер коңшу өлкөдө камалганы тууралуу маалымат расмий тастыктала элек. (AlS)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG