Линктер

ЧУКУЛ КАБАР!
24-Июль, 2024-жыл, шаршемби, Бишкек убактысы 02:35

Макмал алтын кенинде иш токтоду


Тогуз-Торо районундагы Макмал алтын кенининде иш 31-августтан бери токтоп турат. Биринчи вице-премьер-министр Кубатбек Боронов 18-сентябрда парламентте билдиргендей, өкмөт учурда кендин ишин улантуу үчүн инвестор издеп жатат.

“Кыргызалтын” мамлекеттик ишканасынын маалымат катчысы Толкун Камчыбекова кендеги иштин токтотулушу боюнча буларды билдирди:

- Азыркы учурда минералдык чийки заттардын (сырье) базасы түгөнгөндүктөн, мындан кийинки иштер экономикалык жактан өзүн актамак эмес. Макмал кен иштетүү көрсөткүчтөрү боюнча чыгашага учураган мекеме катары 2013-жылы эле жабылышы керек экенин белгилеп кетели. Бирок Тогуз-Торо районунун социалдык абалын эске алып, ишкана башка филиалдардын эсебинен иштеп келген.

“Кыргызалтын” мамлекеттик ишканасынын маалыматына караганда, өндүрүштүн токтотулганына байланыштуу 1-сентябарда жумуш орундары кыскартылган. Тагыраак айтканда, 924 кызматкердин 593ү кыскартылды. Аларга бардык тийиштүү кенемтелер төлөнүп берилет. (EBm\TSh\YU)

XS
SM
MD
LG