Балыкчы шаардык Ички иштер бөлүмүндө иштеген тергөөчү пара алууга шектелип кармалды. Улуттук коопсуздук боюнча мамлекеттик комитетинин (УКМК) басма сөз кызматы кабарлагандай, ал 16-сентябрда 100 миң сом алып жатканда колго түшкөн.
Шектүү мурда ачылган кылмыш ишти "сенин пайдаңа чечип берем" деп жергиликтүү тургундан пара талап кылганы айтылат маалыматта. Анын үстүнөн Кылмыш-жаза кодексинин 312-беренесинин (Пара талап кылуу) тийиштүү бөлүмдөрү менен кылмыш иши козголуп, УКМКнын тергөө абагына киргизилди.
