Кыргызстанда токой чарбасын өнүктүрүүнүн концепциясы иштелип чыкты. 2018-2040-жылдарга эсептелген бул документке ылайык, Жалал-Абад, Ош, Нарын, Ысык-Көл жана Чүй облустарында сегиз пилоттук токой чарбада жалпысынан 10 миң гектар токой калыбына келтирилет.
Бул тууралуу Айлана-чөйрөнү коргоо жана токой чарба агенттигинин басма сөз кызматы кабарлады. Мекеменин маалыматына караганда, долбоорду ишке ашырууга ФАО/ГЭФ эл аралык уюму көмөк көрсөтөт.
Негизги иш токойлорго өз алдынча калыбына келүүсүнө шарт түзүп берүү багытында жүргүзүлөт. (RK)
