Кыргызстандагы "Оскар” комитети режиссер Темир Бирназаровдун “Түнкү кырсык” (“Ночная авария”) тасмасын АКШнын “Оскар” сыйлыгына сунуштады. Бул тууралуу аталган комитеттен билдиришти.
Комитет мүчөлөрү 26-сентябрдагы отурумунда Бирназаровдун тасмасы менен Айбек Дайырбековдун “Дарак ыры” тасмасын карап, анын ичинен “Түнкү кырсык” фильми тандалып алынган.
Лос-Анжелестеги Америка киноакадемиясы сунушту кабыл алса, тасма “Мыкты чет элдик кино” номинациясында жарышат. 2018-жылдын кинематография тармактары үчүн сыйлыктар 2019-жылдын 24-февралында ыйгарылат.
Кыргызстандагы "Оскар” комитети 2012-жылы түзүлгөн. Координатору Таалай Кулмендеев. (ErN)
