Линктер

ЧУКУЛ КАБАР!
8-Март, 2021 дүйшөмбү, Бишкек убактысы 10:56

Орусиянын банктары өлкөгө еврону рекорддук көлөмдө алып келүүдө


“Азаттык” радиосунун орус кызматы кабарлагандай, Орусиянын банктары АКШнын жаңы экономикалык санкцияларынын коркунучунан улам өлкөгө еврону рекорддук көлөмдө алып келип, долларды азайтышууда.

Маселен июль айында Орусиянын банк сектору аркылуу 2014-жылдан берки рекорддук көлөмдөгү евро өткөн. Анын суммасы долларга айлантканда эки миллиард доллардан ашат. Ошол эле учурда банктар Орусияга сыртта 900 миллиондой гана доллар которушкан.

Банктардын акча которууларында мындай тенденция бар экенин Орусиянын Борбордук банкы да ырастады. Муну Борбордук банктын статистикасы да көргөзүүдө.

Орусиядан евронун корун көбөйтүү жараяны АКШнын ыктымал жаңы санкциялары орусиялык банктардын Америкада иштөөсүнө тыюу салышы мүмкүн деген кооптонуулардан улам тышкы эсеп-кысапта доллардан акырындык менен баш тартуу аракети көрүлүп жаткан учурга да туш келди.

Жакында Орусиянын мамлекеттик ири банктарынын бири - ВТБнын башчысы Андрей Костин президент Владимир Путин менен жолугушууда америкалык валютанын орус экономикасындагы ролун азайтууну караган сунуштар топтомун берген болчу. (UE)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

Сунуш кылынган арга.

XS
SM
MD
LG