Линктер

ЧУКУЛ КАБАР!
4-Март, 2021 бейшемби, Бишкек убактысы 03:46

2019-жылы бюджеттин тартыштыгы 9,8 млрд. сом деп болжолдонду


Иллюстрациялык сүрөт.

2019-жылы республикалык бюджеттин тартыштыгы 9,8 миллиард сомду түзөрү болжолдонууда. Бул тууралуу Финансы министрлигинен кабарлашты. Маалыматка ылайык, кийинки жылы республикалык бюджеттин жалпы кирешелери 149,6 миллиард сом деп эсептелсе, жалпы чыгаша 159,4 миллиард сом болору болжолдонду. Ошондо республикалык бюджеттин тартыштыгы 2019-жылы ички дүң продукцияга карата 1,6 пайызды түзүшү керек.

“2019-жылга республикалык бюджети жана 2020-2021-жылдарга болжолу жөнүндө" мыйзам долбоорду өкмөт ушул аптада талкуулап, жактырды. Эми мыйзам долбоору парламентке жиберилет.

Кыргызстандын 2018-жылкы бюджетинин кирешеси 140,8 млрд. сомго жетет деп пландалган. Ал эми чыгаша 161,1 млрд. сом деп каралган. Натыйжада тартыштык 20,3 миллиард сомду түздү.

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG