Линктер

ЧУКУЛ КАБАР!
1-Март, 2021 дүйшөмбү, Бишкек убактысы 22:57

Нобелдин химия боюнча сыйлыгын үч илимпоз алды


Нобел сыйлыгынын лаураеттары: Фрэнсис Арнольд, Жорж Смит, Грегори Уинтер. 3-октябрь, 2019-жыл.

Нобелдин химия боюнча сыйлыгына экологиялык технологияны өнүктүрүүгө бараандуу салым кошкон илимпоздор татыды. Америкалык Фрэнсис Арнольд, Жорж Смит жана британиялык окумуштуу Грегори Уинтер химиялык өндүрүштө экологиялык технологияны өнүктүрүүгө кошкон салымы үчүн дүйнөлүк абройлуу сыйлык алышты. Бул тууралуу Швециянын падышалык академиясынын Нобел комитети 3-октябрда жарыялады.

Фрэнсис Арнольддун ферменттердин эволюциясын, Жорж Смиттин жана Грегори Уинтердин пептиддер менен антителолорду иликтеген эмгектери жогору бааланды.

Сыйлыкка кошуп бериле турган бир миллион долларды үч окумуштуу бөлүп алат.

Былтыр швейцариялык Жак Дюбоше, америкалык Йоахим Франк жана британдык Ричард Хендерсон химия боюнча Нобел сыйлыгынын лауреаттары аталган.

1901-жылы Швецияда Нобел сыйлыгы ыйгарыла баштагандан бери келаткан салтка ылайык, адегенде медицина жана физиология тармагындагы илимий ачылыштардын лауреаттары жарыяланат.

Башка тармактар боюнча 2018-жылдагы Нобел сыйлыгынын жеңүүчүлөрүн аныктоо ушул жумада уланат. Нобелдин тынчтык сыйлыгы 5-октябрда жана экономика боюнча 8-октябрда ыйгарылат. Нобелдин адабият боюнча сыйлыгы быйыл берилбейт.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG