Испанияда белгилүү опера ырчысы Монсеррат Кабалье көз жумду.
La Vanguardia басылмасы кабарлагандай, 85 жаштагы Кабалье 6-октябрда Барселонада жашоо менен кош айтышты. Сентябрдын аягында ал ооруканага жатканы кабарланган.
Монсеррат Кабалье 1933-жылы Барселонада жарыкка келген. 1954-жылы Лисео театрынын алдындагы консерваторияны аяктаган. 1960-жылдары ал Европадагы түрдүү опералык театрларда ырдаган.
El Pais басылмасы Кабальены акыркы сапарга узатуу зыйнаты 8-октябрда болорун маалымдады.