Акыйкатчы аппаратынын кызматкерлери “Голос свободы” фондунун эксперттери менен бирге Жаза аткаруу мамлекеттик кызматынын Нарын облусундагы №24 тергөө абагында мониторинг жүргүздү. Бул тууралуу мекеменин басма сөз кызматы кабарлады.
Атайын өкүлдөр абакта отурган жашы жете элек эки баланы да көрүп чыгышкан. Өспүрүмдөр оор кылмышка шектүү катары кармалып турат.
Мындан тышкары 35 кишинин 22синен ар кандай суроолор камтылган анкета алынды. Камакта отургандардын экөө Акыйкатчы аппаратынын кызматкерлерине тергөө маалында кыйноого кабылганын айтышкан. (TSh)
