11-октябрда Кыргызстан мусулмандар дин башкармалыгынын башчысы, муфтий Максатбек Токтомушев Франциянын Кыргызстандагы элчиси Микаэль Ру менен жолугушту. Бул тууралуу муфтияттын басма сөз кызматы кабарлады.
Жолугушууда муфтияттын экстремизм менен терроризмдин алдын алуудагы аткарылып жаткан иштери, биргелешип терс диний агымдар менен күрөшүү маселелери талкууланды.
Франциянын Кыргызстандагы элчиси муфтияттын жасап жаткан аракеттерине оң баа берип, бул иштер экстремизм менен терроризмдин жолун торойт деген ишеничин билдирди. (TSh)
