Түркияда мигранттар бараткан жүк ташуучу унаа кырсыкка учурап, 19 киши каза болду. Бул тууралуу ТАСС агенттиги жазды. Маалыматка караганда, мыйзамсыз иштеп жүргөн мигранттарды алып бараткан жүк ташуучу унаа оодарылып кетип, Измир провинциясындагы дарыяга кулаган.
Өкмөттүк "Анадолу" агенттиги жол кырсыгынан 19 киши каза болуп, 11и жараат алганын жазды. Алардын арасында балдар да бар. Кырсык Мендерес районунда болгон.
