Бишкектеги "Хаятт" мейманканасында бүгүн, 17-октябрда бешинчи кыргыз-чех бизнес-форуму болот.
Форумдун алкагында эки өлкөнүн ишкерлери жолугушуп, өз ара кызматташтык тууралуу сүйлөшөт. Жыйынга Чехиянын Казакстандагы элчиси да келет.
Уюштуруучулардын маалыматына караганда, иш-чарага Кыргызстанда 20дан ашык долбоорду каржылаган Чехиянын Экспорт банкынын өкүлдөрү да катышмакчы.
2015-жылдан бери кыргыз-чех ишкерлер форуму беш жолу Бишкек жана Прага шаарларында өткөрүлгөн.
