Кыргызстан "Doing Business 2019" рейтингинде өткөн жылга салыштырмалуу беш орунга алдыга жылып, 70-орунду ээледи. Бул тууралуу Дүйнөлүк банктын отчетунда айтылат.
Ушул эле рейтингде Азербайжан 25, Казакстан 28, Орусия 31, Кытай 46, Өзбекстан 76-орунда турат.
Дүйнөлүк банк жыл сайын бизнес ачуунун шарттары, курулушка уруксат алуу, насыя мүмкүнчүлүгү, инвесторлордун укугун коргоо, салык төлөө, келишимдерди сактоо жана банкроттук абалды жөнгө салуу боюнча жагдайды иликтеп турат.
Бизнес үчүн эң ыңгайлуу деп эсептелген өлкөлөрдүн алдыңкы үч сабында Жаңы Зеландия, Сингапур жана Дания турат. (KR)