Линктер

ЧУКУЛ КАБАР!
28-Февраль, 2021 жекшемби, Бишкек убактысы 12:46

Жаңы конушка маркум депутат Улан Чолпонбаевдин ысымы берилди


Улан Чолпонбаев.

Ысык-Көл облусунун борбору Каракол шаарындагы жаңы конуштардын бирине Жогорку Кеңештин депутаты, маркум Улан Чолпонбаевдин ысымы ыйгарылды. Бул тууралуу “Азаттык” радиосуна шаардык кеңештин депутаты Азамат Айтбаев билдирди. Анын айтымында, Карасаев жана Элебаев көчөлөрүндө жайгашкан жаңы конушка Улан Чолпонбаевдин ысымын берүү демилгесин жергиликтүү тургундар көтөрүшкөн. Депутаттар быйыл жайында демилгени бир добуштан колдоп беришкен. 10-ноябрда маркумдун аты жазылган белгилер орнотулуп, Чолпонбаевдин бир туугандары жашоочуларга белекке боз үй беришти.

Былтыр 11-ноябрда Жогорку Кеңештеги "Республика - Ата Журт" фракциясынын депутаты Улан Чолпонбаев 40 жашында бөйрөк оорусунан каза болгон. Фрунзе шаарында төрөлгөн Улан Чолпонбаевдин бала чагы Ысык-Көлдүн Ак-Суу районундагы Боз-Учук айылында өткөн. 1997-жылы Кыргызстандын Эл аралык университетинин Эл аралык укук факультетин аяктаган. Маркумдун артында эки кызы калды. (КЕ)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG